LEGAZPI CITY- Arestado an sarong motorista sa banwaan kan Mandaon, Masbate huli sa pagbayolar sa Comelec gun ban.
Segun ki Police Major Raymond Quinto, hepe kan Mandaon Municipal Police Station sa intrevista kan Bombo Radyo Legazpi na enot na naimbwelto sa aksidente an nasabing motorista.
Napag-araman na nakabangga ini sa sarong food stall asin nahahampang sa kasong physical injury makalihis na maulaan nin mainit na mantika an biktima sa stall.
Alagad kan magkondusir nin inspeksyon an arresting officers, nadiskubre an sukbit kaining badil.
Basado sa firearms verification kan mga kapulisan, nadiskubre na wara ining papeles sa pagdadara nin badil asin bako man na otorisado na magdara nin armas urog na ngunyan na naga-iral an Comelec gun ban.
Huli digdi, nahahampang sa patong-patong na kaso an nasabing akusado.
