LEGAZPI CITY- Sarong lalaki an binawian nin buhay sa pantalan kan Pio Duran sa Albay.
Segun ki Pio Duran Municipal Disaster Risk Reduction and Management Office head Noel Ordoña sa intrevista kan Bombo Radyo Legazpi na pigtataram na inatake an biktima mantang nagpapahingalo ini sa pantalan.
Nagluwas sa impormasyon na nag-abot sa Pio Duran port an biktima alas-12 nin maagahon, lunad kan truck na nagde-deliver nin mga parcel hali sa Metro Manila.
Naghagad suboot ini nin tubig huli sa matinding init na naeksperyensyahan sa saindang biyahe.
Alagad pagbaba sa truck, bigla na sanang natumba an nasabing lalaki na pinagtutubudan na inatake sa puso.
Segun ki Ordoña na naidalagan pa man sa ospital an biktima alagad dae na uminabot pa nin buhay.
Sa presente pighahalat na sana na ma-isyuhan nin death certificate an biktima ngani na maibalik na pauli sa pamilya kaini sa Masbate.
