LEGAZPI CITY — Pig-aaram pa kan mga otoridad an rason sa likod kan paghuhugot kan sarong lalaki sa banwaan kan Bacacay sa Albay.
Binisto an biktima na si Edgar Llonador, 42 anyos asin residente kan Purok 2 Barangay Hindi sa nasabing banwaan.
Segun sa parientes kan biktima, nahiling na sana ninda si Llonador na nakabitgti sa laog kan saindang harong.
Dara kan pagkabigla, tulos nindang pinutol an pisi na nakabugkos sa liog kan biktima asin binalong idalagan pa ini sa pinakaharaneng ospital sa banwaan.
Alagad dae na nagpalyar na maisalbar pa asin ipigdeklarar na dead on arrival kan doktor.
Sa ngunyan, padagos pa an pigsasagibong imbestigasyon kan Bacacay Municipal Police dapit sa insidente mantang pinaglalamayan na an bangkay kan biktima sa mismong residencia kaini sa Bacacay.
