LEGAZPI CITY—Gadan an sarong lalaki makalihis na makuryente sa Sitio Nagsipit, Barangay Mariroc, Tabaco City.
Segun ki Bureau of Fire Tabaco Shift B Commander Senior Fire Officer 1 Reymund Bongais, sa intrevista kan Bombo Radyo Legazpi, na kan pag-abot ninda sa lugar naabutan ninda na nakabitay sa poste asin wara nang malay an biktima.
Mantang pasiring sa nasambitang lugar, pig-abisohan kan saindang opisina na makipagkoordinar sa electric cooperative nganing palsukon an linya kan kuryente sa nasabing lugar asin makapagsagibo sinda nin retrieval operation.
Basado sa naguno nindang inisyal na impormasyon, na haloy na suboot na pigtrabaho kan biktima an poste asin wara ining kaiba kan nangyari an insidente.
Sarong púla (mute person) suboot an nakahiling sa sitwasyon kan biktima.
Sinabi kan opisyal na nakasulot nin safety harness an biktima rason kun nata dae ini nahulog sa poste.
Pigbalo pang darahon sa hospital ini alagad idineklarar na dead on arrival.
Mientrastanto, nagpatanid man si Bongais sa publiko na en kaso may tatrabahuhon sindang may kinaaraman sa kuryente, dapat na maghanap nin sarong tatao, lisensyado asin otorisadong indibidwal nganing maibitaran an siring na insidente.
