LEGAZPI CITY-Naarestar an sarong lalaki sa Ligao City huli sa kasong theft, sa isinagibong operasyon kan Ligao City Police Station.
An suspetchado, igwang warrant of arrest asin binistong si alyas “Ben”, 24-anyos asin residente sa ciudad kan Ligao.
Nahahampang an suspechado huli sa pagbayolar sa Article 308 kan Revised Penal Code o Theft.
Basado sa tugon kan korte, ipinaluwas an warrant laban sa suspek na igwang rekomendang piyansa na nasa P6,000.
Nasa kustodiya na kan Ligao City Police Station an suspechado asin pighahalat pa an desisiyon kan korte para sa iba pang proseso.
Padagos man an pigsasagibong operasyon asin kampanya kan mga kapulisan mapadapit sa igwang mga kaso asin most wanted na mga personalidad sa komunidad.
