LEGAZPI CITY—Arestado kan mga kapulisan an sarong lalaki makalihis na tangayon kaini an sarong motorsiklo sa Legazpi City.
Segun ki Tabaco City Police Station Chief of Police Police Lieutenant Colonel Virgil Bibat sa intrevista kan Bombo Radyo Legazpi, na nag-follow up an biktima sa saindang kustodiya makalihis na mai-report na nawaran ini nin motor sa Barangay Rawis, Legazpi City asin natunton ninda ini sa ciudad kan Tabaco sa pakikipagtabangan sa Legazpi PNP.
Pag-istorya kaini na nakaabot an motor sa saindang ciudad huli sa digdi kuta ini dadarahon asin papabakalon alagad naabutan ini kan kapulisan mantang nasa possession pa kan suspek.
Sa ngunyan naarestar na an suspek asin posible suboot na susunadan nin kasong carnapping.
Nagpagiromdom man an opisyal sa publiko na en kaso may mga impormasyon na makakatabang sinda an tulos ining ipaaram sa kustodiya nganing tulos man ninda ining marespondehan.
