LEGAZPI CITY—Arestado an sarong lalaki makalihis na magbayolar sa Chainsaw Act sa Legazpi City, Albay.
Segun ki Legazpi City Police Station Public Information Officer Police Executive Master Sergeant Carlos Paña, sa intrevista kan Bombo Radyo Legazpi, an nasambitang ley an may kinaaraman sa paggamit nin chainsaw sa pagputol nin kahoy siring kan niyog na dae nagkuwa nin permit sa magkakanigong ahensya, kun saen saro man ini sa kaiba sa mga pigkukumpiskar kan mga kapulisan.
Binisto an suspek na si alyas “Raf”, 73-anyos, asin residente kan naunambitang ciudad.
Sa presente, naisunad na an kaso laban sa suspek asin naghahalat na sana kan mga masunod na lakdang kan mga otoridad.
Mientrastanto, abiso man kan opisyal sa publiko na nganing magin legal an pagbakal nin chainsaw, dapat rehistrado ini siring na sana sa Provincial Environmental and Natural Resources Office (PENRO).
Mantang kinakaipuhan man nin permiso kun maputol nin kahoy gikan sa Philippine Coconut Authority iba pang konektadong ahensya.
