LEGAZPI CITY—Naarestar kan mga personahes kan Daraga Municipal Police Station an sarong streel level individual sa kinundusir na drug buy-bust operation sa Barangay Kilicao, Daraga, Albay.
Segun ki Albay PPO Provincial Director PCOL Julius Añonuevo, sa intrevista kan Bombo Radyo Legazpi, an suspetsado sarong lalaki, 45-anyos, may live-in partner, asin residente kan Washington Drive, Legazpi City.
Nakumpiskar digdi an small heat-sealed transparent plastic sachet na pinagtutubudang shabu na may gabat nin haros apat (4) gramos asin may street value na pocomas o menos P27,000.
Sa presente nasa kustodiya na ini kan Daraga MPS mantang padagos an pigsasagibong imbestigasyon kan mga otoridad.
Nagpagiromdom man ini sa mga padagos na naggagamit nin ilegal na droga na dapat na ining punduhon nin huli ta wara man ining magayon na kaluluwasan sa saindang buhay.
