LEGAZPI CITY-Naarestar an sarong lalaki huli sa kasong Grave Slander sa Daraga Albay.
Basado sa impormasyon na binisto an suspek na si alyas “Erica”, 44-anyos, sarong market watchma asin residente kan nasabing lugar.
Naarestar ini kan mga otoridad kan iserbi an sarong warrant of arrest huli sa kasong grave slander na igwang kinaaraman sa Cybercrime Prevention Act of 2012.
Nadakop an suspek sa sarong operasyon sa pakikipagtabangan kan Daraga Municipal Police Station, mga tauhan kan Regional Anti-Cybercrime Unit 5 asin kan Albay Provincial Cyber Response Team.
Pinusasan an suspetsado sa bisa kan warrant of arrest na ipinaluwas kan ika-11 kan Setyembre na igwang pigrekomendang piyansa na ₱72,000.00 para sa saiyang temporamenteng libertad.
Sa presente, nasa kustodiya na Daraga Municipal Police Station an suspetsado.
Mientrastanto, padagos man an paghikayat kan kapulisan sa publiko na igalang an mga direchos pantawo kan kada saro asin makipagtabangan sa pulisya ngani mamantenir an kaligtasan kan mga indibidwal sa nasabing banwaan.
