LEGAZPI CITY — Karsel an kinabagsakan kan sarong drug suspect makalihis an isinagibong operasyon sa banwaan kan Bacacay sa Albay.
Binisto ining si Joseph Belga, 43 anyos asin residente kan Barangay 13 kan nasabing lugar.
Naisagibo kan mga Bacacay Municipal Police sa tabang man kan Philippine Drugs Enforcement Agency (PDEA) Bicol an operasyon sa bisa naman kan inisyung search warrant ni Judge Alben C. Rabe kan Regional Trial Court Branch 15.
Narekober man sa residencia kan suspek an 12 sachet kan pigtutubudang shabu asin manlaen-laen na drug paraphernalia.
Nasa opisina naman kan Regional Crime Laboratory an naarestar na suspek maging an mga ebidensya para sa drug test asin laboratory examination.
