LEGAZPI CITY—Timbog an sarong lalaki sa sarong buy-bust operation kan mga otoridad makalihis na madakop ini na nagpapabakal nin hand grenade sa Legazpi City.
Binisto an suspek na si alyas “Armil” na residente kan nasabing ciudad.
Naarestar ini makalihis na magpabakal nin sarong hand grenade sa sarong undercover agent.
Nakumpiskar saiya an sarong hand hand grenade, marked money na ginamit sa operasyon asin mga personal na gamit.
An suspek naarestar sa pinagsarong operatiba kan Legazpi City Operating Team, Regional Maritime Unit 5, Legazpi City Police Station asin Albay Provincial Explosive and Canine Unit.
Nahahampang ini sa kasong pagbalgar sa Republic Act 9516 katakod kan iligal na pagpapabakal nin explosives.
Nasa kustodiya na kan Legazpi CPS an suspek asin nakatalaang ihampang sa korte.
