LEGAZPI CITY—Karsel an bagsak kan sarong regional most wanted person kan Bicol sa Barangay Poblacion sa banwaan kan Magallanes Sorsogon.
Segun ki Magallanes Municipal Police Station Chief of Police Police Major Mark Anthony Ferwelo, sa intrevista kan Bombo Radyo Legazpi, binisto an suspek na si alyas “Romy”, 25-anyos, sarong paraoma, asin residente kan sarong barangay sa nasabing banwaan.
Nahahampang an suspek sa kasong rape asin sexual assault na warang pigrekomendang piyansa.
Sa presente an suspek nasa kustodiya na kan Magallanes MPS an suspek para sa magkakanigong disposisyon.
Mientrastanto, abiso man ni Ferwelo sa namamanwaan kan Sorsogon na mag-report sa saindang opisina en kaso may naaaraman na mga kaduda-dudang aktibidad sa komunidad nganing tulos man ninda ining marespondehan.
