LEGAZPI CITY-–Karsel an bagsak kan pigkonsiderar na City Most Wanted Person ciudad kan Ligao sa kaso kaining Lascivious Conduct.
Segun ki Ligao City Police Station Chief of Police Police Lieutenant Colonel Herminio Olivares, sa intrevista kan Bombo Radyo Legazpi, binisto an suspek na si alyas “Rey,” 29-anyos, asin residente kan Barangay Banquerohan, Legazpi City.
An suspek nahahamapang sa kasong Acts of Lasciviousness kun saen hinipoan suboot kaini an saiyang menor de edad na pamangkin.
May pigrekomendang piyansa an kaso kan suspek na P200,000.
Sa presente nasa kustodiya na kan Ligao CPS an suspek mantang pigpepreparar an mga dokumento bago ihampang sa korte.
Mientrastanto, pangapudan man ni Olivares sa publiko na kun igwa sindang impormasyong may kinaaraman sa mga wanted person o mga naggigibo nin ilegal na i-report sa saindang mga personahes nganing matawan ninda nin magkakanigong aksyon.
