Arestado an sarong 44-anyos na lalaki makalihis maaktuhang ‘nagsasadiri’ mantang pighihiling an sarong babae sa Tondo, Maynila.
Basado sa imbestigasyon, bandang alas-10:30 nin pagka-aga, abala an biktima sa paghugas nin plato kan mapansin niyang nakahiling saiya an suspek mantang nagma-masturbate.
Tulos na nagsumbong an biktima sa saiyang ama asin naghagad nin tabang sa mga opisyal kan barangay.
Dinara an suspek sa barangay hall antes dagos na isinuko sa Women’s and Children Protection Section kan Manila Police District.
Sa presente, nahahampang an suspek sa kasong pagbayolar sa Republic Act 11313 o Safe Spaces Act.
