LEGAZPI CITY- Inakusaran ni Albay Rep. Edcel Lagman an Duterte administration na siyang promotor sa pagpapalakop kan mga terrorist propaganda sa paagi kan paghayag na igwang relasyon an grupong Maute sa ISIS.
Sa saromng intrevista, inapod pa kaining warang basehan an claim kan government officials na magkaalyado an duwang grupon asin sa planong magkrear nin wilayah o provincia sa Marawi City.
Tinawang-duon pa kaini na bako kaibanan an Pilipinas sa sampulong nacion na kasabay sa ISIS-decreed caliphates siring na sana kan Kenya, Somalia, Nigeria, Egypt, Morocco, Jordan, Saudi Arabia, Yemen, Afghanistan asin Pakistan.
Binasol pa kaini si Presidente Rodrigo Duterte sa halangkaw na numero kan mga nagagadan sa Marawi City na dae kuta suboot nangyari kun dae ipigdeklarar an ley martial.
Saro sana si Lagman sa mga nagpepetisyon sa Korte Suprema na naghuhurot na ipawarang-bisa an ipigdeklarar na Martial Law.
