LEGAZPI CITY – Dae man suboot maiimbwelto sa anuman na problema si President Rodrigo Duterte sa pagresibe kaini kan sarong sikat na brand nin lunadan hale sa saiyang suboot dating ilusyon.
Segun ki Albay 1st district Rep. Edcel Lagman, kun itinao an nasabing regalo ngane na impluwensyahan an opisyal na aksyon kan presidente, pwedesir na maging pagbalgar ini sa anti-graft law.
Alagad kun hale suboot ini sa ilusyon bilang sarong pagpapahiling nin pagkamoot, dae man suboot mababasol an presidente.
Ipigbuyagyag kaya ni Duterte kan Lunes an dapit sa makantidad na kotse na itinao kan saiyang dating ilusyon na nasa Estados Unidos na ngunyan.
Ipigduon man kan presidente na dae niya inako an kotse huli ta winalat niya ini sa Presidential Security Group (PSG) compound.
Alagad ipighayag ni Lagman na an “girlfriend excuse” an madaling maabuso.
Igwa kaya tulos nin insigidang depensa sa pahayag na itinao an regalo kan dating ilusyon kan presidente.
