LEGAZPI CITY- Nagpahayag nin pagkahadit an sarong labor group na posibloeng gibuhon man sa ibang mga rehiyon sa nacion an ginibo sa Metro Manila na maging takbuhan an lokal na korte ngani na harangon an wage hike na inaprubaran kan mga regional wage board.
Ini an kasunod kan nangyari sa National Capital Region kun sain nagpaluwas an korte nin suspensyon sa implementasyon kan P85 wage hike.
Segun ki Trade Union Congress of the Philippines Spokesperson Carlos Miguel Oñate sa intrevista kan Bombo Radyo Legazpi na na kun nagibo ini sa NCR, bako imposible na harangon man kan mga negosyante sa iba pang rehiyon an dapat kuta na dagdag sahod para sa mga empleyado.
Katakod kaini, liwat na nanindugan an opisyal na warang poder an anuman na korte sa implementasyon nin dagdag sahod huli ta sakop ini kan mga wage boards.
