LEGAZPI CITY- Aminado an sarong grupo nin mga obrero na alagad magayon na lakdang an ipigbubusol na tax relief, bako ini an pinakamarhay na solusyon ngani na matabangan an mga namamanwaan.
Paliwanag ni Partido Manggagawa Chairperson Ka Rene Magtubo sa intrevista kan Bombo Radyo Legazpi na an paglangkaw kan threshold sa mga exempted sa pagbabayad nin buwis an papakinabangan kan nagkapira sanang mga obrero.
Kun hihilingon nin marhay, sadit na porsyon o an mga diit na obrero sana na above minimum wage earners an makikinabang alagad mababayaan man liwat an kadaklan.
Dae suboot kaini mapapagaan an pasanin kan mga obrero sa nacion na pinakamatinding apektado kan padagos na paglangkaw kan inflation.
Huli digdi, sinabi ni Magtubo na imbes na tax exemption, dapat na tawan nin tabang an mga nagtitios kaya padagos an saindang pagbubusol kan P200 legislated wage increase.
Paliwanag kan grupo na an nasabing lakdang an mas makakatabang sa gabos na mga manggagawa sa bilog na nacion.
