LEGAZPI CITY – Aprubado kan mga grupo nin mga obrero sa rehiyon Bicol an ipinaotob na P40 wage increase sa mga private sectors.
Magigirumdumang inanunsyar kan National Wages and Productivity Commission na aprubado na an dagdag na sahod kun sain an enot na P20 na dagdag sahod an magigin epektibo sa Abril 5, 2025 mantang an ika-duwang tranche man an maitatao sa Disyembre 1 sa presenteng taon.
Segun ki Labor Representative Dante Encisa na 65 pesos an naenot nindang pighagad na dagdag sahod nganing dae man suboot masabi na nagtitios an mga nagtatrabaho.
Pigkokonsidera ninda an kapasidad kan mga employer na nagbabayad sa saindang mga trabahante.
Pigtaram pa kaini na pwedesir na magsarado an mga Small and Medium-sized Enterprises enkaso dae kayanon an taas sahod na mas lalong makakapadifisil sa mga filipino.
Pigtawan doon ni Encisa na maski kadiit makakatabang na para sa sainda asin sa mga naglalaom sa aldawan na ganansya an dugang na 40 pesos.
