Sumampa na sa labi P32-M na kantidad kan danyos sa sektor kan agrikultura an nairehistro kan Department of Agriculture makalihis na magputok an bulkang Kanlaon sa Negros Island.
Sa datos na iniluwas kan DA-DRRM Operations Center, kabale sa pinaka apektadong umahan iyo an Western Visayas.
An nasabing kantidad an katumbas nin nasa 300 ektarya nin mga dagang umahan an naraot asin nasa labi 832 metriko tonelada an nawara sa production kan mga ini.
Apektado man kan pag-aalburuto kan bulkang Kanlaon an nasa 780 na mga paraoma hale sa nasabing lugar.
Padagos man an pigsasagibong assessment asin validation kan Department of Agriculture sa kabilugang danyos sa agricultural asin fisheries sector huli sa nagpapadagos na aktibidad kan bulkan.
