LEGAZPI CITY- Naging matrayumpo an ikinasar na buy bust operation kan Philippine Drug Enforcement Agency (PDEA) Albay katuwang an PDEA Legazpi City Office asin Legazpi City Police Station makalihis na naaresto an tulong High Value Target Drug Personalities asin pagkakabuwag kan drug den kaini sa Purok 6, Barangay 38, Gogon, Legazpi City, Albay.
Narekober sa mga suspek an maabot sa 11 pidaso nin heat-sealed transparent plastic sachets na pigtutubudang may laog na shabu na may timbang na mol 13 grams asin nagkakantidad nin labi sa 70 mil de pesos.
Apwera pa sa mga droga, narekober man sa drug den an mga non drug items arog kan kwarta na ginamit sa operasyon, aluminum foil asin mga plastic sachet.
Segun kay PDEA Albay officer Noe Briguel sa intrevista kan Bombo radyo Legazpi dae suboot nagsairarom sa intervention program an mga suspek kabali na an maintainer o tagsadiri kan harong.
Dugang pa kan opisyal na mga newly identified drug personality ini alagad maikukonsiderar ng mga High Value Target huli sa paagi kan opersyon kaini.
Mientrastanto, pigheras man kan opisyal na igwa sindang bagong diskarte sa pagsassagibo nin mga operasyon kun saen nagkukua sinda nin mga witness sa mga adjacent brgy ngane na dae mag leak an impormasyon dapit sa saindang mga opersyon.
Basado suboot sa saindang mga naenot ng eksperyensya na nagiging negatibo an operasyon huli ta naiiimpormaran na kan nagkapirang mga brgy officials an target sa operasyon.
Sa ngunian padagos an pangapudan kaini sa publiko na kun igwa pa sindang nanotisyaran na naimbwelto sa ilegal na droga an magdulok sana sa mga Badac o PNP asin magin sa Pdea office.
