LEGAZPI CITY-Warang patod an Department of Social Welfare and Development sa paghahatod nin tabang sa mga biktima kan linog sa Davao Oriental.

Segun kay DSWD Assistant Secretary Juan Carlo Marquez, naihatod na an kabilugang kantidad na ₱615,840 bilang inisyal na tabang.

Kairiba sa mga tabang na ipinadara an mga pagkakan, tubig, bulong, asin iba pang pangenot na pangangaipohan ngani mabawasan an saindang kadifisilan.

Bilang dugang nai-deploy na man sa probinsya kan Davao Oriental an Mobile Command Center kan Field Office 11 ng DSWD.

Basado sa datos, nasa 15,868 pamilya na katumbas kan 78,430 katawo, an nairehistrong apektado kan makusog na pagyugo sa bilog na lalawigan.

Sa presente, igwang 1,583 pamilya, o 7,915 na indibidwal, an temporamenteng nagtetenir sa 5 evacuation centers kan local government unit (LGU).