‘Labi sa P400M na an naitaong tabang para sa mga biktima kan Mayon crisis; piglalaoman na madudugangan pa’

LEGAZPI CITY — Uminabot na sa labi sa P400 million an naipanaong tabang para sa mga apektado kan pag-aalburuto kan bulkang Mayon sa Albay segun sa datos kan Office of the Civil Defense (OCD) Bicol.

Katakod kaini, pighayag ni Presidential Adviser on Political Affairs asin Mayon Eruption Crisis Manager Sec. Francis Tolentino na nasa P380 million digdi an assistance hali sa national government agencies (NGAs) asin iba pang pribadong sektor.

Sa ibong na lado, piglalaoman man na madudugangan pa an nasambitan na kantidad huli ta dae pa natatapos an Mayon activity asin igwa pang mga apektadong residente na nagtetenir sa evacuation centers.

Sienerto pa ni Tolentino na makakaabot an mga serbisyo kan mga ini.

Mientrastanto, nasa P55.3 milyon man an tabang hali sa mga local government units (LGUs) asin iba pang organisasyon.