LEGAZPI CITY-Nasabat kan mga otoridad an labi sa P227 milyon na kantidad na pigtutubudang marijuana kush sa sarong interdiction operation sa Ninoy Aquino International Airport (NAIA) Terminal 3 sa Pasay City.
Segun sa Philippine Drug Enforcement Agency (PDEA), naarestar an duwang pasahero na mag-ilusyon na kakaabot pa sana hale sa Thailand.
Nanotaran sa duwang airport loaders na igwang anom na maleta na dai pinaagi sa X-ray scanner.
Gamit an X-ray asin K-9 units, nadiskubre an labi sa 100 kilos na marijuana kush sa laog kan mga maleta.
Binisto man an babaying pasahero bilang supervisor kan sarong ride-hailing app, mantang an driver an saiyang ka-ilusyon.
Ang duwang loaders an mga service provider sana asin bako regular na empleyado kan NAIA.
Pigiimbestigaran ngonian kan PDEA kun igwang koneksiyon an mga suspek sa sarong makusog na sindikato asin nakikipag-koordinar na sinda sa mga dayuhang ahensya ngani matukoy kun papano naipuslit an kontrabando paluwas kan Thailand.
Nahahampang an mga suspek sa kasong pagbayolar sa Republic Act 9165 o Comprehensive Dangerous Drugs Act of 2002, partikular sa ilegal na pag-angkat kan droga.
