LEGAZPI CITY- Nagsakat na sa labi sa 90, 000 an mga nabisitang kaharungan sa Bicol sa irarom kan Oplan Tokhang Revisted kan kapulisan sa rehiyon.
Sa ipinaluwas na accumulated Double Barrel Reloaded Accomplishment kan Police Regional Office 5 (PRO5) puon kan Marso 1 hasta 28 kun sain nangengenot an Sorsogon Police sa pinakadakol na nabisita na uminabot na sa 15,211 na kaharungan.
Napag-araman na labi sa 100 na man an nagsurendir na personalidad sa bilog na rehiyon mantang 130 an naarestar sa 103 na operasyon na ipigkondusir kan kapulisan.
Mientrastanto, mahigot man an ipigkokundusir na kampanya ngunyan kan PNP Bicol para sa war on drugs kun sain warang nairerehistro na nagadan sa operasyon na ini.
