Legazpi City- Pigtawan na nin pagreconocer kan Smoke Free Unit kan cuidad nin Legazpi an mga establishemento, barangay , eskwelahan asin goverment offices bilang parte kan 100% Smoke-free Establishments sa Legazpi City.
Sa intrevista kan Bombo Radyo Legazpi kay Jose Balbin, kan Legazpi Smoke Free Unit operation officer, sa laog kan maabot sa labi 400 na mga lugar uminabot sa 74 na mga establishemento, barangay , eskwelahan asin goverment offices an naging parte kan awarding na isiagibo kan nakalihis na aldaw sa cuidad.
Nanutaran man an pagbaba sa numero kan mga compliant sa naunambitang ordinasa huli ta kung ikukumparar sa nakalihis na taon na haros uminabot sa 100% an nagsunod sa ordinansa ay ngunyan na taon ay haros dae pa sa kabanga an namonitor na compliant.
Saro sa rason na naiiling man kan opsina sa pagbaba kan datos ay an mas pinahigot na requirement para makapasar sa smoke free ordinance. Kung magigirumduman kaya kan nakalihis na taon ay igwa pang mga konsedirasyon na pinagtatao sa mga establishemento, barangay , eskwelahan asin goverment offices alagad sa presenteng taon an mashinigutan na ini.
Sa monitoring kan man kan opisina sa maabot sa 70 na barangay hall sa cuidad sulamenteng umiabot sana sa 7 na barangay an nakakua nin 100% compliance sa ordinansa.
Huli digdi padsagos an pangapudan kan opisina sa publiko sa pagsunod sa ordinansa. Asin nagpagirumdom man ini sa publiko na sa masunod na taon bako na sana an mga tradisyunal na sigarilyo an saindang dadakupon o ire-regulate kundi maging an mga Vape an kasabay na sa Ordinansa.
