LEGAZPI CITY – Buminadol na sa labi 7, 000 na mga empleyado sa Bicol an nakaresibe kan COVID 19 Adjustment Measures Program (CAMP) kan Deapartment of Labor and Employment.
Sinabi ni DOLE Bicol spokesperson Johanna Vi Gasga sa intrevista kan Bombo Radyo Legazpi, nasa labi 500 naman na estbalisyemento an napaabutan nin tabang kan fundong maabot na sa P37.9 million puon kan nakalihis na semana.
Kani-kaniyang withdraw asin claim naman an mga empleyado sa remittance centers mientras na nagpapadagos pa an evaluation kan iba pang nagsumiter.
Pagbuyagyag pa ni Gasga na gabos na nagsusumiter an aprubado kaya inengganyar an iba pang establisyemento na mag-asikaso naman kan rekisitos mantang wara pang deadline na ipiglalatag.
Kaipuhan sanang siertuhon na kumpleto an mga pighahagad na rekisitos tangarig na wara nang magin delay sa proseso.
Sa ikaduwang batch kan release segun ki Gasga, pighahalat na sana na fundo na itatao alagad ready naman an iba pang makakaresibe kaini.
Sa ibong na lado, nasa 11, 804 na sa informal workers an nakaresibe kan ayudang P3, 100 asin nasa P40 million naman an naibariwas sa paagi kan mga lokal na gobierno asin barangay sa irarom kan Tulong Panghanapbuhay sa Displaced/Disadvantaged Workers (TUPAD)-Barangay ako Bahay Ko (BKBK).
Sa bilog na rehiyon, napag-araman na labi sa 30, 000 na workers an nag-apply sa nasabing asistensya hali sa gobierno.
