Legzpi City- Pinagterminate na kan probinsya nin Albay an maabot sa labi 500 na miyembro kan Task Force Green Brigade kan task force quarry kan probinsya.
Sa intrevista kan Bombo Radyo Legazpi kay Acting Albay Gorvernor Glenda Bongao, dae na suboot kakayanon kan probinsya na masustiniran an pagpapasahod asin pagtataong insintibo para sa labi 500 na mga miyebro kan task force huli sa mababa an nagiging revenue sa naunambitang task force.
Base kaya record kan probinsya sa target na maabot sa P150 million para sa taong 2024 alagad as of September maabot pa sana sa P53 million an nakukulektar kan task force na kun sain kulang pa ini sa ipapasahod sa mga miyembro kan task force para sa sarong taon.
Sa Presente huli sa pagkawara kan trabaho kan mga ini naunambitan kan opisyal na posible liwat an mga ini mag-apply sa PENRO o Provincial Environment and Natural Resources Office alagad limitado sana hasta 250 na empleyado an posibleng makalaog liwat bilang empleyado kan probinsya.
Saro man sa naiiling rason kan probinsya an suboot igwang mga ‘fake reciepts’ na kun sain posibleng rason kayad ae na nakakalaog sa probinsya an kita na nakokolektar sa quarry operation sa probinsya.
Dugang pa man kan gobernador na iilingon man giraray an magiging revenue ngunyan na maabot na Desyembre para sa desisyon pa na gigibuhon sa task force.
Mientras tanto segun kay Bongao obheto kaini na mabago an negatibong pagiling kan publiko sa quarry asin maging sa green guadians.
