LEGAZPI CITY- Nakapagkondusir na an Philippine National Police nin labi sa 127,000 na mga checkpoint operations sa bilog na nacion puon kan Enero 12.
Segun ki Police Regional Office 5 Director Police Brig. General Andre Dizon sa intrevista kan Bombo Radyo Legazpi na nasa 527 gun ban violations na an nairehistro sa nacion.
Katakod kaini, nakapagkumpiskar na nin nasa 510 na mga badil asin nasa 515 na mga indibidwal na man an naarestar.
Paliwanag kan opisyal na agresibo ngunyan an operasyon kan mga kapulisan huli sa kamawotan na masierto na magigin matrangkilo an May 2025 elections.
Napag-araman na nakalaog na sa election period an iba pang mga operasyon kan kapulisan kaya dakol an mga confiscated firearms.
Mientras tanto, nilinaw man ni Dizon na nagpapadagos man liwat an pag proseso kan lisensya sa mga badil alagad paramientras na sinuspinder an pagtatao nin permit to carry firearms huli sa election gun ban.
Magin an mga kapulisan suboot an pigpapalikay man sa pagdadara nin badil maski pa igwang certificate na exemption an mga ini hali sa Commisision on Elections.
