LEGAZPI CITY-Nagpapasalamat an Catanduanes Police Provincial Office (PPO) huli sa pagbisto sa saindang kapulisan sa isinagibong pag-promote para sa masunod na ranggo.
Segun ki Catanduanes Police Provincial Office Public Information Officer Police Major Emsol Icawat, sa intrevista kan Bombo Radyo Legazpi na nasa 56 kapulisan an na-promote sa saindang sunod na ranggo kabale an 9 na bagong staff seargent asin 41 corporal.
May mga dai man pinalad na ma-promote sa kabilugang 130 na mga aplikante.
Dagdag pa kan opisyal na twice a year nangyayari an pagpapalit kan ranggo kun sain igwang mga basehan ngani mapromote an sarong pulis.
Kabale digdi an Time-In-Grade (TIG), kwalipikasyon asin eksaminasyon na kaipuhan nindang maipasa para sa masunod na ranggo.
Siring man an lawig kan saindang serbisyo, mga honrang nakukuwa, individual rating, performance rating, asin an pinakaimportante an body mass index o (BMI).
An pag-promote sa mga kapulisan an nakakadagdag suboot sa saindang moral na kinakaipuhan sa paghalangkaw kan saindang performance sa trabaho.
Mensahe man kan opisyal sa mga kapulisan na mantang naglangkaw an saindang ranggo, an imantenir an pagigin mapagkumbaba asin an saindang direchos pantawo.
