Pigkakarkulo na nasa 54 katawo an binawian nin buhay sa pagsakyada kan paramilitary group sa merkado sa Omdurman City sa Sudan.
An nasabing grupo an kaibanan sa mga nakikipaglaban kontra sa militar kan nacion.
Afuera sa mga binawian nin buhay, pigtataram na nasa 158 na iba pa an nairido sa pag-atake an Rapid Support Forces sa Sabrein Market.
Ini an pinakabagong insidente sa serye nin mga pag-atake kan grupo sa tahaw kan naglalalang civil war.
Tulos man na kinondenar ni minister of culture and government spokesperson Khalid al-Aleisir an pagsakyada urog pang kaibanan sa mga casualties an mga kababaihan asin mga kaakian.
Napag-araman na nangyari an insidente harani sa sarong ospital kaya kinondena man kan Sudan Doctors Syndicate an ginibo kan grupo.
