Dae mababa sa 44 katawo an nagadan sa Mexico makalihis an mga naeksperyensyahan an makukusog na pag-uran asin pagbaha sa lugar.
Nangyari an makukusog na pag-uuran huli sa bagyong Priscilla asin Raymond na nagkawsa nin landslide asin pagbabaha sa limang estado.
Maabot sa 18 katawo an nagadan sa Veracruz, 16 sa Hidalgo, siyam sa Puebla asin saro sa Queretaro, susog sa reports kan gobierno digdi.
Nagsagibo na man nin plano si President Claudia Sheinbaum bilang pagtugon nganing suportaran an 139 na apektadong banwaan.
