LEGAZPI CITY-Pigeestimar na labi sa 4, 000 na mga residente sa Barangay Masarawag sa Guinobatan Albay an maapektaran segun sa konseho kan nasabing barangay.
Segun kay Punong Barangay Vicente Baliat, sa intrevista kan Bombo Radyo Legazpi na preparado sinda sa anumang oras kun magpaluwas na nin abiso an gobierno provincial asin an saindang munisipalidad.
Sa ngonian, pinaghahandaan man kan saindang konseho an aktibidad kan Bulkang Mayon siring man an pagasigurar kan mga apektadong residente orog na an mga paraooma harani sa lugar.
Nakahanda man suboot an saindang evacuation center kun sain ipapa-ebakwar an mga posibleng apektadong residente.
Dugang pa kan opisyal na bako man padifisilan an pagbarewas kan impormasyon sa mga residente asin otomatikong nagsusunod man sinda sa mga abiso.
Nasa 7 kilometro kaya an distansya kan Barangay Masarawag sa Bulkang Mayon kun kaya pigaasigurar na suboot kada purok kan mga opisyales kan barangay enkaso magpaluwas na nin mga abiso.
