Maabot sa labi sa 36 toneladang basura an nakolekta kan Metropolitan Manila Development Authority (MMDA) makalihis an duwang aldaw na rally kan Iglesia ni Cristo (INC) sa EDSA-White Plains Avenue sa Quezon City.
Segun sa MMDA, uminabot sa labi sa 36.5 tonelada nin basura an nahakot kan saindang mga tauhan sa isinagibong cleanup operations kasunod pagtiripon kan Hunyo 30 asin Hulyo 1.
Padagos man an paglilinig sa lugar, kaibanan an pagpapakarahay kan mga concrete barrier, paghali kan mga debris, asin paghakot kan mga natatadang basura ngani na masierto an kaligtasan kan mga motorista asin pedestrian.
Marurumduman na sa ika-tulong aldaw kan rally kan Huwebes, ipiglipat ini sa Liwasang Bonifacio sa Maynila.
