LEGAZPI CITY- Dakulang oportunidad an ma-aaprobitsaran kan mga job seekers sa Bicol region katakod kan ikokundusir na Kalayaan Job Fair.
Segun ki Department of Labor and Employment Bicol Officer in Charge Director Imelda Romanillas sa intrevista kan Bombo Radyo Legazpi na nasa 3, 492 job vacancies an itatangro kan manlain lain na mga employers.
Ini an kasabay kan aldaw nin libertad o Indipendence Day.
Kaibanan sa mga itatangro na trabaho an may kinaaraman sa construction, turismo, manufacturing, agriculture asin iba pa.
Afuera sa nasabing job fair, magkakaigwa man nin payout kan Tulong Panghanapbuhay sa Ating Disadvantaged/Displaced Workers para sa nasa 16, 140 na benepisyaryo.
Napag-araman na katampad kaini an pondong ipapanao na labi sa P70.5 million.
