LEGAZPI CITY — Sinierto kan sarong lehislador na preparado an gobyerno na tawan nin pangkabuhayan an labi sa 265,000 na mga overseas Filipino workers (OFWs) sa Kuwait en kaso dagos nang umuli sa nasyon an mga ini.
Sa eksklusibong intrevista kan Bombo Radyo Legazpi kay Ako Bicol partylist Representative Alfredo “Pido” Garbin, maski pa propuesto pa sana an total deployment ban kan mga obrerong Pinoy sa nasambitan na nasyon, Duterte admin na tawan nin livelihood an mga apektadong OFWs.
Segun digdi, an pagtatao nin proteksyon sa mga empleyado an saro sa mga obheto ni Presidente Rodrigo Duterte sa nakatalaan kutang pagbisita kaini sa nasambitan na nasyon.
Dugang pa ni Garbin na mas nakapag palala pa sa dagit kan presidente an pagkakadiskubre sa bangkay kan sarong Pinay OFW sa laog nin freezer na pinagtutubudan na ginadan kan employer kaini.
Segun sa lehislador, dae pigtatawan nin importansya asin dae ipigrerespeto an diretsos kan mga Pilipinong naga trabaho sa Kuwait na nagmamawot sanang kumita nin kwarta para sa saindang pamilya.
