Nairido an labi sa 20 katawo makalihis na magliyab an sarong Ferris wheel sa sarong music festival sa Leipzig City sa Germany.
Marikas man na inaksyunan kan mga otoridad an insidente asin naideklarar na under control.
Apat na indibidwal an nagsapar nin mga paso, saro an nairido makalihis mahulog asin dakol na iba pa an nakasinghot nin dakol na aso.
Napatos kaya nin mahibog na aso an nasabing ferris wheel huli sa kalayo.
Mientras tanto, magin an nagkapirang mga kapilisan asin mga bumbero na nagresponde sa insidente an nairido man.
Marurumduman na komon na pigdadayo kan mga turista an Highfield Festival, na sarong dakulang independent rock festival. © AP
