LEGAZPI CITY- Nagpapadagos ngunyan an pagbabantay kan provincia nin Albay sa mga ruminants na presenteng nasa pooling sites, sa tahaw kan padagos na aktibidad kan bulkang Mayon.
Segun ki Albay Veterinary Office Head Dr. Pancho Mella sa intrevista kan Bombo Radyo Legazpi na sa presente nasa kabilugan na 1,032 na mga ataman na hayop na kumpwesto nin mga baka, carabao, asin kabayo an saindang pigmo-monitor.
Anas ini an hali sa 6km radius permanent danger zone kan bulkan.
Sinabi kan opisyal na padagos na pigtatao kan ahensya an gabos na tabang na pwedesir na itao siring kan mga bitamina, feeds, asin iba pa ngani na masierto na nasa matanos na salud an nasabing mga hayop.
Sa ibong kaini, aminado si Mella na igwang nagkapirang paraoma an nagsasayuma na darahon sa pooling sites an saindang mga ataman.
Huli digdi, pigpapapirma an mga ini nin waiver na warang pananagutan an gobierno provincial enkasong igwang mangyari sa mga ini.
