LEGAZPI CITY-Nagpoon na an pagsasairarom concentrated training kan mga atleta sa Albay para sa papaabot na Palarong Bicol 2026.
Segun kay Schools Division Office Albay Spokesperson Froilan Tena, sa intrevista kan Bombo Radyo Legazpi na nagpoon an ensayo kan Pebrero 1 asin extended ini hasta Pebrero 28 asin nasa 1,500 an mga kalahok digdi.
Dagdag pa niya na padagos an training kan mga atletang gold medalist na ilalaban sa Bicol region.
Nagsasagibo nin pag-ensayo sa mga eskwelahan an mga atleta kaiba an saindang mag coaches asin assistant coaches, kun sain nagkakaigwa sinda nin mga schedule poon aga hasta banggi.
Piglalaoman na pag-abot kan Pebrero 27-28 na handa na an mga atleta asin coaches, magin mga opisyales na maatendir sa mga area sa Legazpi City ngani mapoon an opening ceremony sa Marso 1 sagkod Marso 7.
