LEGAZPI CITY- Inasegurar kan Department of Environment and Natural Resources (DENR) na maagi sa tamang proseso an mga beach resorts asin iba pang tourist destinations sa Bicol na nahilingan nin mga pagbayolar sa environmental laws.
Magidirumduman na enot nang ipighayag ni Enviromental Management Bureau (EMB) Bicol Director Eva Ocfemia sa Bombo Radyo Legazpi na labi sa 100 na resorts an binabaan nin notice of violations.
Sa suway man na intrevista ki DENR Bicol Dir. Oscar Dominguez, kinumpirmar kaini an pagpapaapod sa mga kagsadiri kan mga nasabing establisyemento de negosyo tangarig na mag-eksplikar sa technical conference na isasagibo.
Ipigduon pa kan opisyal na kaipuhan na hampangon kan mga ini an magkakanigong penalidad o padusa na itatao katampad kan nagibong bayolasyon.
Nagpatutsada pa si Dominguez sa mga nakalusot na mag-operar dawa warang nakakapotang environmental compliance certificate (ECC) na pigtutubudang nag-imbwleto sa ‘palakasan system’, na dapat na magpahiling kuta nin marhay na ehemplo.
