Labi sa 116 katawo na na nagadan, kabale an pitong joven, sa padagos na nangyayaring protesta kontra gobyerno sa bilog na Iran susog sa U.S.-based Human Rights Activists News Agency (Hirana).
Susog sa datos kan HIRANA, aabot sa 2,638 katawo an naarestar mantag nagpapadagos an hiro-protesta na nag-abot na sa ika-14 aldaw.
Mantang igwa man na nairehistrong 109 na miyembro nin security forces an nagadan sa tahaw kan mga protesta.
Katakod kan nangyayaring karahasan, naireport man an haros 60 oras na pagputol nin internet sa Iran kun saen pigtutubudan na saro ining lakdang nganing pugulan an pagkalat nin impormasyon asin koordinasyon kan mga raliyista.
Magigiromdomang nagpuon an mga protesta kan huring semana kan Disyembre, makalihis magmartsa an mga namamanwaan sa sentro kan Tehran kontra sa naghahalangkaw na inflation asin padagos na pagbagsak kan kantidad nin pangnasyunal na kwarta na rial.
