LEGAZPI CITY-Maabot sa labi 36 toneladang basura an nakolekta kan Metropolitan Manila Development Authority (MMDA) matapos an duwang aldaw na rally kan Iglesia ni Cristo (INC) sa EDSA-White Plains Avenue sa c.
Segun sa MMDA, nag-abot sa labi 36.5 tonelada nin basura an nahakot kan saindang tawohan sa isinagibong cleanup operations kasunod kan pagtitipon kan Hunyo 30 asin Hulyo 1.
Paadagos man an paglilinig sa lugar, kaiba an pagsasaayos kan mga concrete barrier, paghale kan mga debris, asin paghakot kan natatadang basura ngani maibalik an kaayusan asin masierto an kaligtasan kan mga motorista asin pedestrian.
Mientras tanto, inilipat sa Liwasang Bonifacio sa Maynila an ikatulong rally kan Huwebes matapos bawion kan lokal na gobierno kan Quezon City an permit para sa pagtitipon sa White Plains Avenue.
Basado sa report kan mga otoridad, labi 15,000 katawo an nakisumaro sa enot na aldaw kan rally, mantang pigkakarkulong nasa 3,500 man an nakisumaro sa ikaduwang aldaw kan pagtiripon.
