Maabot sa 300,000 na Pilipino an magbibinepisyo sa food stamps na ipapanao kan gobyerno puon sa Hulyo.
Parte ini kan Walang Gutom 2027: Food Stamp Program na obhetong mabawasan na an mga Pilipinong napupunaw.
Segun kay Assistant Secretary Irene Dumlao an tagapagtaram kan Department of Social Welfare and Development, naging magayon an resulta kan pilot test kan programa sa Tondo, Manila, Siargao, Parang, Maguindanao, Camarines Sur asin San Mariano, Isabela kung kaya ilulunsar naman ini sa 21 mga provincia hali sa 10 rehiyon sa nasyun.
Kada bulan makakaresibe an mga benipisyaryo nin P3,000 na kantidad nin food stamps na nakalaag sa electronic benefit transfer cards.
Pwede ining magamit para sa pagbakal nin pagkaon sa mga piling tindahan na accredited kan ahensya.
Mientras tanto, dae naman makakasabay pa sa food stamp program an mga benipisyaryo na kan Pantawid Pamilyang Pilipino Program o 4Ps.
