LEGAZPI CITY—Suminakat na sa 2,949 na mga paraooma asin nasa 2,433 ektarya nin mga tanoman sa laog kan 6 kilometer permanent danger zone kan bulkang Mayon an apektado sa padagos na pag-alburoto kaini.
Segun ki Albay Provincial Agriculturist Cheryl Rebeta, sa intrevista kan Bombo Radyo Legazpi, kadaklan sa mga tanom kan mga apektadong paraooma an siring kan abaca, mga manlaen-laeng gulayon, niyog asin iba pa.
Dugang kan opisyal na nagkukundusir na man nin mga skills asin livelihood trainings para sa mga apektadong paraooma sa tabang kan Technical Education and Skills Development Authority (TESDA).
Pighayag man ni Rebeta na pwedesir man na magtanom an mga nasabing paraooma sa saindang evacuation centers na enot nang ginibo kan pag-alburoto kan bulkan kan taong 2023.
Mientrastanto, pig-asigurar man kan opisyal na padagos sindang mataong asistensya para sa mga naunambitang apektadong paraooma.
