LEGAZPI CITY-Labi 200 katawo an pigtatakutan na nagadan makalihis an sarong military airstrike na suboot tuminama sa hilagang-silangan kan Nigeria.
Napagaraman na nagsasagibo nin operasyon an militar laban sa mga Islamist militant sa rehiyon kan mangyari an insidente sa Jilli Market sa border kan Yobe asin Borno states, sarong rehiyon na haloy nang apektado kan insurgency na nagresulta sa rinibong pagkagadan asin pag-ebakwar kan milyon-milyong residente.
Segun sa lokal opisyal, na kadakol sa mga biktima an dinara sa mga ospital sa Yobe asin Borno, mantang an iba pang mga residente asin sarong humanitarian worker man an nagkumpirma kan mahiwasang danyos sa lugar.
Basado sa mga nakaligtas, nagresulta an biglaang pag-atake sa matinding takot sa mga residente.
Sa hiwalay na pahayag, sinabi kan Nigerian Air Force na nakagadan sinda kan mga miyembro kan Boko Haram sa operasyon sa Jilli axis.
Padagos man na pigaaram kan mga awtoridad an kabilugang numero kan mga nagadan asin danyos huli sa insidente.
