LEGAZPI CITY—Nakatalaang magtugdok nin nasa 150 modular shelter units Barangay Bubulusan, Guinobatan Albay para sa mga pamilyang apektado nin pagbabaha, aktibidad kan Bulkang Mayon, magin an mga nai-report na sinkholes sa Barangay Masarawag kan nasabing banwaan.
Segun ki Guinobatan Mayor Gemma Ongjoco, sa intrevista kan Bombo Radyo Legazpi, sa presente pighahalat pa an memorandum of agreement asin segun saiya na maitutugdok ini sa area na pagsadiri kan provincia sa nasabing barangay.
Segun sa alkalde na en kaso mapirmahan na an MOA an pwedesir ining mapuonan sa primerong semana kan bulan nin Marso ngunyan na taon.
Dugang niya na igwa na sindang koordinarsyon sa gobierno provincial kan Albay mapadapit digdi.
Mientrastanto, tinawan-doon man kan opisyal na pwedesir man na magtenir an mga residenteng apektado kan pagbaha, pag-alburoto kan bulkan asin an mga nai-report na sinkholes kun sinda komportable na sa nasabing modular shelters.
