Nilinaw kan aktres na si Kylie Padilla an sarong viral video niya kun sain nag-intremis dapit sa posibilidad na magdalagan an ama na si Robin Padilla bilang bise presidente sa 2028.
Kan mahapot kaya si Kylie dapit sa pagdalagan kan ama, sinabi kaini na mahali na siya sa Pilipinas.
Sinabi kan aktres na bako niya intensyon na insultuhon an saiyang ama.
Sa post ni Kylie sinabi kaini na may tiwala siya sa anuman na desisyon kan ama na si Robin asin sa gabos na karahayan na pigigibo kaini para sa nacion.
Ginibo an paglilinaw makalihis makaresibe nin pagtuyaw hali sa nagkapirang netizens na nag-interpret kan saiyang intremis bilang pambabastos sa ama.
Marurumduman na kan Pebrero 20, nagpahayag si Senator Robin Padilla nin kahandaan sa posibilidad na magdalagan bilang bise presidente asin magin running mate ni Vice President Sara Duterte.
