LEGAZPI CITY – Nakapagrehistro nin dugang na 32 na nagpositibo sa COVID-19 an Bicol, susog sa ipinaluwas na datos kan Department of Health Center for Health and Development Bicol.
Katakod kaini, nasa 1,453 an kabilugang nakumpirmar na nagpositibo kun sain 572 an aktibong kaso.
Siyam sa mga panibagong kaso an hali sa Albay partikular na an tigsaro sa banwaan kan Daraga asin Camalig, duwa sa Guinobatan asin lima sa ciudad kan Legazpi.
Pinakadakol na nairehistrong panibagong kaso an Camarines Sur na nag-abot sa 18, duwa sa Camarines Norte asin tulo sa Sorsogon.
Wara man na nairehistrong bagong kaso sa Masbate asin Catanduanes.
Mientras tanto, nagsakat naman sa 833 an recoveries sa rehiyon huli sa 39 nadugang.
Alagad nadugangan man nin tulo an mga nagadan sa COVID-19 hali sa Albay.
