Pigpapareview ni Presidente Ferdinand “Bongbong” Marcos Jr. kay incoming Education Secretary Angara an Kto12 Program sa Pilipinas.
Segun kay Presidente Marcos, nagpalyar na maotob kan programa an pinaglalaoman kan gobyerno na maray na kwalipikasyon para sa mga estudyante.
Enot na ipinaotob an Kto12 Program sa paglaom na matatawanan kaini nin bastanteng kaaraman asin eksperyensya an mga estudyante ngani na makasabay sa standards kan ibang mga nasyun.
Alagad hasta sa ngunyan, dae man giraray nakakakua nin trabaho an mga gradwado sa Kto12 Program huli ta an mga may eksperyensya man giraray sa aktwal na trabaho an pighahanap kan mga kompanya.
Huli digdi, kaipohan suboot na magkaigwa na nin pagbabago sa sistema kan edukasyon kan Pilipinas na iyo an saro sa dapat na maging prayoridad ni Angara.
Kaiba pa sa pigpapatutokan kan Presidente sa incoming Education Secretary an pagtatao nin maray na benipisyo sa mga paratukdo, pagtatao nin special courses asin specialization sa mga estudyante asin iba pa.
