LEGAZPI CITY-Pinakusog kan Korte Suprema an hatol kan pagkakakulong laban sa tulong pulis na imbuelto sa paggdan kay Kian Loyd delos Santos kan taong 2017 sa Caloocan City.
Sa desisyon kan Second Division na isinurart ni Associate Justice Jhosep Lopez, ibinasura an apela ni Arnel Oares, Jeremias Pereda, asin Jerwin Cruz asin kinumpirma an hatol na murder.
An tulong pulis pinatawan kan reclusion perpetua o hasta sa 40 taon na pagkakakulong asin pigrekomendang magbayad kan ₱275,000 bilang danyos sa pamilya kan biktima.
Basado sa ebidensya, si Kian inulangan, pinirit na magdara nin badil, asin kalaunan binadil mantang nakaluhod o nakatukaw, patunay na wara siyang kakayahan na ipaglaban an saiyang sadiri.
Pigtukoy kan Korte Suprema na may treachery sa krimen huli sa sinadya kan mga akusado na ilaag si Kian sa posisyong warang laban bago siya gadanon.
Naenot nang hinatulan kan Caloocan RTC asin kan Court of Appeals an tulong pulis kan 2018, asin ngonian tuluyang pinakusog kan Korte Suprema an desisyon.
An kaso ni Kian nagtetenir na simbolo kan kontrobersyal na war on drugs asin saro sa mga bihirang pagkakataon na napadusahan an mga pulis sa kaso may kinaaraman sa extrajudicial killing.
